Dünya Ana Məktəbinin təntənəli açılış tədbiri keçirildi

12 sentyabr 2018 tarixində Dünya Ana Məktəbinin təntənəli açılış tədbiri keçirildi. Tədbirdə təsisçi, professor Hamlet İsaxanlı çıxış edərək Dünya Ana Məktəbində uşaqlara dünya təhsil standartları səviyyəsinə uyğun təlim və tərbiyə almaları, dünyagörüşlərinin inkişaf etdirilməsi üçün hər cür şərait yaradıldığını qeyd etdi. Dünya Ana Məktəbinin rəhbərliyi, tərbiyəçi-müəllimləri, valideynlər və uşaqların iştirak etdikləri tədbir maraqlı nağıl personajlarının şou proqramlarıı ilə əsl bayrama çevrildi.

DÜNYA Təhsil Kompleksində elmi-metodiki məclisin iclası keçirildi

22 iyun 2018-ci il tarixində DÜNYA Məktəbində Elmi-metodiki Məclisin iclası keçirildi. İclasda 2017-2018-ci tədris ilində məktəbin illik fəaliyyəti barədə hesabat dinlənildi, IX sinif şagirdlərinin əsas təhsili, XI sinif şagirdlərinin tam orta təhsili bitirmələri, məktəbə yeni şagirdlərin qəbulu haqqında müzakirələr aparıldı. Yeni dərs ilinə hazırlıq və cari məsələlər mövzusunda fikir mübadilələri edildi.

DÜNYA Məktəbəqədər hazırlıq bölümünün balacaları məzun oldular

Hər il olduğu kimi bu il də sevə-sevə böyütdüyümüz, nazını çəkdiyimiz fidanlarımızdan ayrılmaq zamanı gəlib çatdı. İlk tanışlığımızda utanan, çəkinən, hətta ağlayan balalarımız artıq hamının qarşısında sərbəst çıxışlar edərək seirlər, nitqlər söyləyir, mahnılar oxuyurlar.

Biz balalarımıza uğurlar, bol şanslar arzulayırıq. Aldıqları mükəmməl təlim və tərbiyəni hər yerdə dogruldacaqlarına inanırıq! Ümidvarıq ki, onlar dünyanın harasında olsalar da biləcəklər ki, bu uğurlarda bizlərin də payı var. Axı onların ilk addımları DÜNYA məktəbindən başlamışdır?!

Dünya Təhsil Kompleksində şahmat seansı keçirildi

Xəzər Universiteti Dünya Təhsil Kompleksində Azərbaycan Xalq Cümhuriyyətinin yaranmasının 100 illiyinə həsr olunmuş şahmat seansı keçirildi. Dünya Təhsil Kompleksinin təşkilatçılığı və Azərbaycan İdman Jurnalistləri Assosiasiyasının dəstəyi ilə baş tutan seansda professor Hamlet İsaxanlı, AİJA-nın prezidenti əməkdar jurnalist Eldar İsmayılov, Bakı Şəhər Gənclər və İdman idarəsinin baş məsləhətçisi Salman Əbdülov, Beynəlxalq qrossmeyster, əməkdar məşqçi Azər Mirzoyev, Avropa çempionu, Türkiyə Milli komandasının məşqçisi, Beynəlxalq qrossmeyster Nicat Məmmədov iştirak edirdilər. Seansı FİDE ustası Elşad Rzayev, Xəzər Universitetinin prorektoru İsaxan İsaxanlı, Dünya Təhsil Kompleksinin müəllimi Şəlalə Hüseynova, İdman ustalığına namizəd Nurlan Rzayev apardılar.

“Write a Book”, “Essay Writing” və “Vocabulary” yarışlarının nəticələri açıqlandı

Azərbaycan və rus bölmələrində şagirdlərin ingilis dili bacarıqlarının qiymətləndirilməsi məqsədilə şagirdlər arasında keçirilən Write a Book (Öz kitabını yaz), Essay Writing (Esse) və Vocabulary (Lüğət) yarışlarının nəticələri açıqlandı. II, III, IV, V, VI sinif şagirdlərinin ingilis dilində yazıb hazırladıqları rəngarəng kitabları onların yaradıcılıq, üslub və uşaq təxəyyülünü ingilis dilində ifadə edə bilmək bacarıqlarını üzə çıxardı. VIII siniflər arasındakı esse yarışması şagirdlərin bilik və təcrübələrini işıqlandırdı. Lügət yarışı şagirdlərin sinifdənxaric söz ehtiyatlarını zənginləşdirdi. Qaliblər I, II, III yerləri bölüşərək, diplomlarla təltif olundular.