Dünya Təhsil Kompleksi dərc olunan yazının əsassız olduğunu sübut etdi

Son günlərdə bəzi internet səhifələrində “Dünya məktəbində kütləvi zəhərlənmə: 50 şagird, 4 müəllim” başlığı altında dərc olunan yazı məktəbimizin şagird-müəllim –valideyn kollektivi arasında və cəmiyyət içərisində müəyyən narahatlığa səbəb olmuşdur. Yazının heç bir əsası olmadan və qərəzli yazılması barədə səhifələrin redaktorlarına məktəbin təkzibi ünvanlanmışdır. Xəbərin getdiyi səhifələrdən bəziləri üzr istəyərək təkzibi dərc etmişlər. (http://www.avropa.info/az/post/247139.html). Lakin xəbərin ilk mənbə olaraq verildiyi Unikal.orq saytı təkzibi dərc etməkdən boyun qaçırmışdır. Göstərilən məsələnin hüquq müstəvisində aydınlaşdırılması üçün işlərə başlanılmış və 26.04.2018 tarixində Azərbaycan Respublikası Səhiyyə Nazirliyi Binəqədi Rayon Gigiyena Və Epidemiologiya Mərkəzi tərəfindən aparılan müayinələrin nəticələri 23.04.18 tarixində dərc olunan yazının tam əsassız olduğunu sübut etmişdir. Məlum olmuşdur ki, DÜNYA Məktəbində hər-hansı kütləvi zəhərlənmə baş verməmişdir. 50 nəfər şagirdin dərsə gəlməməyinə gəlincə isə, nəzərə alınmalıdır ki, DÜNYA Məktəbində 70 sinif var və müəyyən səbəblərdən ən azı hər sinifdən 1 şagirdin dərsə gəlməməsi normal sayıla bilər. Dəfələrlə məktəb direktoru Mərufə Mədətlinin saytlara, jurnalistlərə verdiyi müsahibələrdə məlumat haqqında təkzib verməsinə baxmayaraq icazəsi olmadan gizlin şəklinin çəkilməsinə, uydurma səs yazısı mövzusunda narahatlıq yaratdığına və DÜNYA Məktəbinin işgüzar nüfuzuna xələl gətirən yanlış məlumata görə Unikal.org saytı hələ də üzr istəmir, səhifəsində insanları narahat etdiyi üçün heç bir açıqlama vermir. Yazının getdiyi saytlara məktəbimizdən üzr istəmələri və təkzibimizi dərc etmələri barədə müraciət bir daha ünvanlanmışdır.

Leave a Reply

Your email address will not be published. Required fields are marked *